म्हारे नेता जी वै मिली टिकट की नी, पता केरा यारो

By: Oct 17th, 2017 12:05 am

कुल्लू – म्हारे नेता जी वै टिकट मिली की नहीं मिलू यारो, ऐआ गला औजकाल कुल्लू न लोका केरदै लागै सी। हर ऐक वर्करै री जुबाना पैदे ऐके गला सा… यारो म्हारे नेता वै टिकट मिलू लोड़ी ती। विधानसभा रै चुनाव हिमाचला न नवंबर महीने न होणे सी। तुई रै तैई औजकाल भाजपा होर कांग्रेस रै नेता टिकट लेणे रै तैई आपणे-आपणे नेता रै घैरा जाईणा बेऐ सी। औजकल वीजेपी रै नेता न टिकट लेणे रै तैई खूब माथीपची होदी लागी सा। नेता जौखे टिकट लेणे रै तैई दिल्ली जाईया बेऐ सी ता इन्हा नेता रै वर्कर आपणे-आपणे नेता वै टिकट मिलणे रै तई शहर न कई गला केरदै लागै सी। टिकट मिलू की नहीं ऐआ गला औजकाल सोशल मीडिया पैदे खूब होदी लागी सी। वर्कर सोशल मीडिया पर गला केरदै लागै सी यारो म्हारे तेई नेता वै टिकट मिलू की नहीं मिलू। आपणे-आपणे नेता जी वै टिकट मिलणे रै तैई जिला कुल्लू न वर्कर बडे़ परेशान होदै लागे सी।


Keep watching our YouTube Channel ‘Divya Himachal TV’. Also,  Download our Android App