कालिका सहस्रनाम
-गतांक से आगे…
विद्या-धरी वसु-मती यक्षिणी योगिनी जरा।
राक्षसी डाकिनी वेद-मयी वेद-विभूषणा-26
श्रुति-स्मृतिर्महा-विद्या गुह्य-विद्या पुरातनी।
चिंताऽचिंता स्वधास्वाहा निद्रातंद्रा च पार्वती-27
अर्पणा निश्चला लीला सर्व-विद्या-तपस्विनी।
गङ्गा काशी शची सीता सती सत्य-परायणा-28
नीतिः सुनीतिः सुरुचिस्तुष्टिः पुष्टिर्धृतिः क्षमा।
वाणी बुद्धिर्महा-लक्ष्मीलक्ष्मीर्नील-सरस्वती-29
स्रोतस्वती स्रोत-वती मातङ्गी विजया जया।
नदी सिंधुः सर्व-मयी तारा शून्य निवासिनी-30
शुद्धा तरंगिणी मेधा शाकिनी बहु-रूपिणी।
सदानंद-मयी सत्या सर्वानंद-स्वरूपणि-31
स्थूला सूक्ष्मा सूक्ष्म-तरा भगवत्यनुरूपिणी।
परमार्थ-स्वरूपा च चिदानंद-स्वरूपिणी-32
सुनंदा नंदिनी स्तुत्या स्तवनीया स्वभाविनी।
रंकिणीटंकिणी चित्रा विचित्रा चित्र-रूपिणी-33
पद्मा पद्मालया पद्म-मुखी पद्म-विभूषणा।
शाकिनी हाकिनी क्षांता राकिणी रुधिर-प्रिया-34
भ्रांतिर्भवानी रुद्राणी मृडानी शत्रु-मर्दिनी।
उपेंद्राणी महेशानी ज्योत्सना चंद्र-स्वरूपिणी-35
Keep watching our YouTube Channel ‘Divya Himachal TV’. Also, Download our Android App