कविता

By: Jan 26th, 2020 12:04 am

ठरका कन्ने ठरक

त्रिलोक सूर्यवंशी

मो.-9418036094

ठरका कने ठरक।

बस इतना फरक।।

ठरके च कंबदा तन।

कने ठरकिया दा मन।।

कुसी जो नचणे दी ठरक।

कुसी जो हसणे दी ठरक।।

कुसी जो गाणे दी ठरक।

कुसी जो बजाणे दी ठरक।।

कुसी जो लिखणे दी ठरक।

कुसी जो दिखणे दी ठरक।।

कुसी जो मता गलाणेदी ठरक।

कुसी जो कवतां सणाणे दी ठरक।।

कुसी जो सुणने दी ठरक।

कुसी जो सुणणे दी ठरक।।

कुसी जो मेले जाणे दी ठरक।

कुसी जो खप्प पाणे दी ठरक।।

कुसी जो झाकणे दी ठरक।

कुसी जो ताकणे दी ठरक।।

कुसी जो घुलणे दी ठरक।

कुसी जो घुलाणे दी ठरक।।

कुसी जो घुमणे दी ठरक।

कुसी जो घुमाणे दी ठरक।।

ठरकी खास करी छड़े।

व्याहे मेले मिलदे वड़े।।

ठरकी दे टींडे तराले रैंहदे!

कुसी खास दे पराले रैंहदे।।

ठरकी दी नजरां तर तर करदीयां।

ठरकी दी मुंडियां ठर ठर करदीयां।।

ठरकी हर कुथी जाई सौंदे।

ठरकिया जो घसे भी पौंदे।।

घसे पौन चाहे कड्डी देन।

तिन्हां दी मुंडियां वड्डी देन!!

सूर्यवंशी,

होई जाए वेड़ा गर्क।

ठरक ता हुंदी ठरक।

नी पौंदा तिन्ना जो फरक।।


Keep watching our YouTube Channel ‘Divya Himachal TV’. Also,  Download our Android App