इंद्रकृत श्रीकृष्ण स्तोत्रं
Nov 21st, 2020 12:28 am
-गतांक से आगे…
गायन्तं रम्यसंगीतं कुत्रचिद् बालकैः सह।
स्तुत्वा शक्रः स्तवेन्द्रेण प्रणनाम हरिं भिया॥ 16 ॥
पुरा दत्तेन गुरुणा रणे वृत्रासुरेण च।
कृष्णेन दत्तं कृपया ब्रह्मणे च तपस्यते॥ 17 ॥
एकादशाक्षरो मन्त्रः कवचं सर्वलक्षणम्।
दत्तमेतत् कुमाराय पुष्करे ब्रह्मणा पुरा॥ 18 ॥
कुमारोऽङगिरसे दत्तो गुरवेऽङगिरसा मुने।
इदमिन्द्रकृतं स्तोत्रं नित्यं भक्तया च यः पठेत्॥ 19 ॥
इह प्राप्य दृढां भक्तिमन्ते दास्यं लभेद् ध्रुवम्।
जन्ममृत्युजराव्याधिशोकेभ्यो मुच्यते नरः॥ 20 ॥
न हि पश्यति स्वप्नेऽपि यमदूतं यमालयम्॥ 21 ॥
॥ इति श्रीब्रह्मवैर्तपुराणे श्रीकृष्णजन्मखण्डे इंद्रकृत श्रीकृष्ण स्तोत्रं संपूर्णं॥
Keep watching our YouTube Channel ‘Divya Himachal TV’. Also, Download our Android App