इन्हां बांदरां जो…
( जग्गू नौरिया, नगरोटा बगवां )
समझाना कियां इन्हां बांदरां जो,
दसना कियां लोको सरकारा जो,
पन्नी दित्ते हाण सलेट सारे,
दिखा लद्दे दियां टारां जो।
लुकोई नी सकदे रोटियां जो,
डरदे नी दिखी सोठियां जो,
खूंखार होये नखस्मे ए लोको,
झपटां मारदे डरांदे वोटियां जो।
कुत्थू लाणा हुण राण जानी,
कुत्थू लाणा वीण, पालक, प्याज,
पुटी सट्टे आलू, कित्ते खेत्तर बर्बाद,
बंजर बनाई दित्ती जमीन सारी,
पेश नी चलदी इक म्हारी,
पन्नी दिती रूखां री डाली-डाली,
करदी चर्चा एही लोकी सारी।
आई करी दिखा अफसरो भलयो,
लेई ओनयो मारू गन मशीन,
मारी दिया इन्हां जो हुण,
बोलदा, जग्गू या छड्डी ओआ चीन।
Keep watching our YouTube Channel ‘Divya Himachal TV’. Also, Download our Android App
