साड़ा हिमाचल सबतों न्यारा

(बालक राम चौधरी )

साड़ा हिमाचल सबतों न्यारा, स्वर्ग एत्थू, स्वर्ग एत्थू ओ, देवों का आलय पर्वत हिमालय, स्वर्ग एत्थू ओ, स्वर्ग एत्थू ओ। भोले-भाले लोक इसदे भोलीयां-भालीयां शक्लां, सीढ़ीनुमा खेत एत्थू हरियां-भरीयां फसलां डूगे-डूगे नालू, खड़े कुआलू स्वर्ग एत्थू ओ, स्वर्ग एत्थू ओ। रीडि़यां-रीडि़यां खंभे एत्थू लम्मीयां-लम्मीयां तारां राती जो टिम-टिम करदे एत्थू, लाटू लखां-हजारां, गद्दीयां दे धण घणे-घणे वण स्वर्ग एत्थू ओ, स्वर्ग एत्थू ओ। ग्रां-ग्रां सड़कां वणी गईयां घर-घर लगी गय नलके,सिरे पर समाने ढोणे ते छुट्टी गै ढोणा नी पोंदे मटके घरें-घरें बिजली घरें-घरें फोन स्वर्ग एत्थू ओ, स्वर्ग एत्थू ओ। जेठ महीने च मेले जे लगदे सज्जी-धज्जी जांदीयां नारां नंदपुर दा मेला कुल्लू दा दशेरा दिखदे लोकी हजारां मनाली दा हनीमून शिमले दी सैर, स्वर्ग एत्थू ओ, स्वर्ग एत्थू ओ। देवी देवतयां दा प्रदेश हिमाचल लगदा बड़ा ही सोहणा, इक वरी आई जांदा एत्थू वार-वार चाहदां ओणा पाणीये घराट, सैलां दे टप्परू स्वर्ग एत्थू ओ, स्वर्ग एत्थू ओ। लाहौल-स्पीति चंबा, मंडी, कांगड़ा, कुल्लू, किन्नौर ऊना-बिलासपुर, हमीरपुर शिमला सोलन सिरमौर घूमी के बारह जिले सैलानी बोलदे वन्स मोर स्वर्ग एत्थू ओ, स्वर्ग एत्थू ओ।

भारत मैट्रीमोनी पर अपना सही संगी चुनें – निःशुल्क रजिस्टर करें !

Keep watching our YouTube Channel ‘Divya Himachal TV’. Also,  Download our Android App